Merkur
vun 21. 05. de vaelsiedigen TWEESCHEN bet 21. 06. Middewaeken |
De Tweeschen hett noch jümmers een bi sik, se sünd twee verscheeden Minschen in een. Dat mååkt dat Luchtteken unberaekenbår, as Quicksülwer. Wenn so´n Flyerling in luchdige Höögde küseln deiht, akrååt as de Tweeschen! He swaevt geern, verkleed un tarnt sik, is åver ok mål sinnig, gruvelt un möht sik all´ns to begriepen - - se ok. He, un se eerst recht, hebbt dusenduneen Ideen, un dat gifft rein gårnix, för wat se keen Vermååk hebbt, wenn ok meist blots för´n korte Tiet. Afwesseln schrifft he groot, un Langewiel kann ok se slecht verknusen. Se hebbt de Gååv to´n Snacken un to´n Schrieven - - all´ns, wieldat se vun de´n kloken Merkur regeert warrn. Tweeschens hebbt keen Nerv sik sülm vun binn´ to bekieken, wat anner Lüüd sik föhlt, ok dor weet se nix vun af. Wenn de Tweeschen de Een un de Anner in sik verbinn´ deiht, denn is he in sien Mitt un hett sien Glück funn´ - - se ok - - heel alleen.