Uranus vun 21. 01. de heelvulle WATERMANN bet 19. 02. Sünnavend

De Wåtermann or de Wåterfru hebbt ehr eegen Meen´: "Freeheit, Gliekheit, Bröderlichkeit" - - bet all de Minschen dat goot geiht. Waetenschop un Wiesheit teken em ut. Een mutt sik nich wunnern, wenn he dat Rad nee erfinn´ deiht - - op´t leefst glieks op de Stell, Gedüür kennt he nich, se sowieso nich. Åver se denken ok an de Annern, naem welk an´e Wand drükt warrn, dat möögt se nich hebb´n, dor hau´n se twüschen. He, åver ok se, strieden üm elkeen rechde Sååk, ok de Wåhrheit hollt se hoog - - so lang as dat de ehre is. Båvento is de Wåtermann klook, kann di all´ns verklookfiedeln, weet jümmers´n Utweg - - åver he kann sik ok verbiestern in Såken, verbieten as´n rechden Klookschieter. Dat hangt woll ok mit sien Båås tosååm, de´n olen Urånus, un ofschoonst he Wåtermann heet, steiht em dat himmels Element Lucht to! De Wåtermann weer´n hooge Bååntje, tostännig för de rechde Wåtertodeelung, dotiet al bi de olen Sumerer, låter ok in Babylon un hüüt noch in´ Omån. He weet nich recht wat he föhlt, he hett blots so´n Åhnen vun wat, dat he meent, wat he föhlen mutt un dor is he bang vör un ik glööf se ok.

Version op Hoog

lütt Anmarkung