"Rechtschreibreform 98"
Wat een Woort, - - wat een Polletik ! Denn, dat Woort Reform versprickt uns jå de reinste Gesundheit, denk blots mål an de vaelen Reformhüüs. Goot finn ik jå ok, wat nu dat Grootschrieven in´t Hoogdüütsche jüßtso mååkt warrn sall, as dat al jümmers in´t Plattdüütsche dåhn warrt. To´n Bispill: De Een un de Anner, oder all de goden Politikers un de annern Goden.
Åver, wenn nu all de Frömdwöör mit hoogdüütsche Verstaendnis schraeven warrn, sodennig dücht mi, warrt de düütsche Schriff / Språåk dorbi sinnlos abstrakt, jüßtso, as wenn een Plattdüütsch mit hoogdüütsche Verstaendnis ünnerwannert. Un dorbi gifft dat noch so vael Unstimmigkeiten bi dat Hoogdüütsche.
Bi uns´ Plattdüütschen heet dat to´n Bispill "mien" oder "dien", orthogråphisch heel normål, in´t Hoogdüütsche warrt dorut "mein" oder "dein", heel unklook, meisto "orthopaedisch". Nu, dat sall ok nu jo so blieven, as Scheed twüschen Platt un Hoog, wonaem heet dat doch so schöön: "Ausnahmen bestätigen die Regel", åver wovael Hoogplattdüütsch gifft dat al dorvun ( kiek torügg; rein, heit, keit, meist ) !
Mi wunnert åver liekers, dat disse grote Revischoon so blind an unse olen Waekendååg vörbi löppt. Bi uns´ Plattdüütsch sünd de jå vun jeher fein in´e Reeg:
Mååndag - *Dingsdag** - Middewaeken** - Dunnersdag - *Friegdag** - Sünnåvend - Sünndag
*) vun Ding / Ting oder vun friegen - **) ok Deensdag - Mittwuch - Freedag as (Hoogplattdüütsch)
Doch, as dat nu utsüht, hett man se fröher al eenfach mit hoogdüütsche Verstaendnis sinnlos överdrågen:
Montag - Dienstag - Mittwoch - Donnerstag - Freitag - Sonnabend* - Sonntag
*) auch Samstag ( Uncle Sam´s Tag ? )
In Reform - Hoogdüütsch möten de doch heten:
Mondtag - Diensttag - Mittewoche - Donnerstag - Freyastag - Sonnenabend - Sonnentag
In Ing´lsch höllt man noch fast an´e Wuddeln vun´e olen Götternåmen, to Ehr´n vun´e dotiet kennten söven "Plåneten", jedereen in sien eegen Haewen, åver de Sövente harr woll wat Besonners, de warrt hüüt noch plaegt:
Kiek dorto mål in mien "Hobbygåårn". "Atlas 360 + 5" op Hoog
Monday - Tuesday - Wednesday - Thursday - Friday - Saturday - Sunday
(Mond) - (Ziu / Tyr / Merkur?) - (Wodån / Jupiter?) - (Thor / Mars) - (Freyå / Venus) - (Saturn) - (Sonne)
Ut disse olen Tieden vun de Plattsnackers Germånen oder Wikinger her röhrt ok dat feine Söven-Haewen-Låbyrinth, wat jå ok "Swedenlåbyrinth" nöömt warrt. Bi uns´ skandinååvsche Nåvers sünd de Waekendååg ok hüüt noch de olen Topgötter todeelt, nå de dotiet kennten söven "Plåneten", åver de "Lördag" worr, glööv ik, mål as "Bååddag" fastsett, so as ik dat ok vun Fröher wennt weer.
Måndag - Tirsdag - Onsdag - Torsdag - Fredag - Lördag - Söndag
(Mond) - (Tyr / Merkur?) - (Odin / Jupiter?) - (Thor / Mars) - (Freyå / Venus) - (Saturn) - (Sonne)
Kiek ok mål ´rin bi: Labyrinthe in Deutschland grootåårtig mååkt vun Silke un Werner.
Doch, wenn ik mi nu mål wedder de lütt Geschicht: "Blots wat knapp is, is wat weert !" ankiek, de uns Bolko Bullerdiek 1995 schraeven hett, sodenn glööf ik nu doch meist, he hett dat eernsthaftig schraeven, wieldat he jå to de Fachlüüd höört, de dat Rebeet kenn´ doht. Över 1/3 vun de Politikers sünd oder weern Schoolmeisters, oder wulln dat mål warrn !
Ik mutt mi nu blots wunnern, wieldat ik jå blots mien lütt Minschenverstand to Hölp heff, åver wenn de ok man knapp is, is dat jå wat weert, - - oder ?
Januår 1997 - Peter Kollund - Rosendåhl - in Europlatt
PS. De Schrievreform worr jå hier in Sleswig-Holsteen 1998 mit´n Volksafstimmung aflaehnt un 1999 worr de Volksafstimmung vun de Regeerung in Kiel aflaehnt, un nu kümmst du !?
oder kiek di mål de´n "OMNIBUS" an, de 1971 vun Joseph Beuys anstött worr ünner