Ginkgo bilobå

Dit Boom´s Blatt, de vun Oosten

mien Gåårn anvertruut,

gifft geheem´n Sinn to kosten,

woan´s de´n Slaumeyer opbuut.

Is dat EEN lebennig Waesen,

dat sik in sik sülvst aftrennt ?

Sünd dat TWEE, de sik belaesen,

wat man se as EENES kennt ?

 

Sodennig Frååg to antern,

funn ik woll de´n rechden Sinn :

Föhlst du nich an mien Wolanten,

wat ik EENS un DUPPELT bün ?

 

Johann Wolfgang von Goethe anno 1815 - in Europlatt överdrågen vun Peter Kollund, Rosendåhl 2010

Ps: Jüßtso as bi mien lütt Homepage in Platt un Hoog.

Version op Hoog

 

As de Fossilien vör 200 Milljon Johrn laevten, geef dat dat eerste Gröönkrååm op de Eer, grote Farne un de eersten Bööm - - dat weern Ginkgo-Bööm groot an Tall. Vun disse Urwelt is en Boom över de Tempel Jåpåns un Chinås de Nåwelt erhooln blaeven un worr vun en düütschen Dokter, Engelbrecht Kämpf, 1712 as Natuurwunner nå Düütschland bröcht.

Dör Johann Wolfgang von Goethe, mit sien Poesie an Marianne von Willemer, in dat Book de Suleika-Leeder ut de´n Westöstlichen Diwån, berühmt worrn - - dör dat mehr or waeniger deelte, wollformte Blatt.

Ok in Husum, de "graue Stadt am Meer", hett Herr Paul C. Kähler vör goot 60 Johren op sien Grundstück an´ "stillen Gang", de hüütige Ludwig-Nissen-Strååt neeg bi de Zingelslüüs, in sien lütt exotischen Gåårn, u.a. en Ginkgo-biloba anplant. De dramåtische Laevenswannel vun uns´ Tiet speegelt sik in disse Platzverännerung; noch steiht de seltene Boom an de Kant vun de´n bruusenden Verkehr, åver wokeen achtet al op dat baeten Gröön an´e Kant ?

As sik de Husumer Koopmann to Roh setten daeh, leggt he sik nochmål en lütten Gåårn an, an de´n dotiet noch meist ländlichen Marienhoffweg.

Husum, Lentmaand 2010 Peter Kollund

torügg in de´n Maimaand