Bi uns an´ Diek
Wenn mi mål so
een frågen deiht:
"Wonaem
büst du geboorn ?"
Dor naem de hogen Eeken
ståht,
dor naem de Möhlenflünken
gåht,
dor naem de groten Wischen
liggt,
de Karktoorn wiet nå See
´rut kickt, - - -
dor in de een lütt Kååt.
Wenn mi mål so
een frågen deiht:
"Naem
stammt dien Öllern her ?"
Mien Vadder is an´ Diek
geboorn
un hett de halve Welt
befohrn,
hett fischt un seilt bet an
sien Dood.
Mien Mudder keem vun´
grönen Soot,
kunn lachen un kunn spåårn.
Wenn mi mål so
een frågen deiht:
"Wat wåhnt
dor an´s för Lüüd ?"
Dor wåhnt so welk mit helle
Håår,
mit blaue Ogen, fast un
klåår,
de wieder nix as
Plattdüütsch snackt
un noch ehr´n eegen
Klöben backt.
Süh, so´n Åårt Lüüd
wåhnt dor.
Un wenn he mi
denn frågen deiht:
"Wat heet
denn düt lütt Dörp ?"
Dat is keen Dörp, dat is
en Riek,
is Sünn- un Wunnerland
togliek,
un hett ok wieder gårkeen
Nååm,
keen eegen Flagg un all
so´n Krååm, - - -
heet blots "bi uns an´
Diek".
Rudolf Kinau, 1887 bet 1975 - in Europlatt överdrågen vun Peter Kollund, Rosendåhl 1995
PS. kieken Se okmål, wat de Quickborn-Verlag vun Meister Rudolf Kinau to vertelln weet,
ünner www.quickborn-verlag.de/