Mien Kinnerland
Dor weer en Au, dor weer en Wisch,
in´t klåre Wåter fung´n wi Fisch.
Dor weer en Holt mit hoge Bööm,
wo smuck gröön, wenn Maiklocken blöhn !
Dor weer en Hoff, dor weer en Gåårn,
de leeg un drööm so still verloorn.
Dor wussen so vael Stickelbaern,
de kunnst du gårnich all vertehrn.
Dor weer en Schüün mit Heu in´t Fack
un Swulkennester ünner´t Dack.
Op´t Dack, dor wåhn de Ådeboor,
de harr sien Jung´n dor jede Johr.
Kåninken, Höhner un de Imm´n,
dat weern all mien beste Frünn´,
un Moder föhrt mi an de Hand.
Dat weer ok mien Kinnerland.
Dierk Puls 1979 - in Europlatt överdrågen vun Peter Kollund, Rosendåhl 1995
PS. Op de lütte Eer "Jörtle" bi Treiå an´e Treen ( Trae Åå = Boom Au ) worr ik 1943 boorn,
ok mien Nååm worr to Enn 1800 sinniger Wies as "Kahllund" in Hoogdüütsch överdrågen.
Kieken Se sik ok geernmål de smucke Gemeen Treiå an oder virtuell: www.treia.de/