Mien leve Plattmaten, as ik 2000 mit mien Plattgaarn anfung,
dor geef dat eerst vereenzelt E-Mail-Toschriften,
doch mit de Johrn worrn dat jümmer mehr.

Af Beginn 2007 heel dat mit´nmal afrupp op un ik wunner mi,
af de Tiet kreeg ik blots noch Geschäfts-Mails or Reklame-Mails.

Nu 2008 worr mien ole (addcom/tiscali) Provider opköfft
un ik müß virtuell umtrecken. Hett ok all´ns eenigermaten klappt,
mien nüe Webadress mutt nu ja eerst wedder bekannt warrn.

Bi mien privaten E-Mails hett sik aver bet hüüt nix ännert,
doch nu laes ik in de AGBs:

"Freenet weist darauf hin, dass es nicht möglich ist
gänzlich auszuschließen, dass über den Internetdienst
von freenet versandte und empfangene E-Mails
von Dritten abgefangen werden !"

De Beopdragte för Datenschutz un Informationsfrieheit
kann ok nich hölpen, wieldat he keen "Erklärung" dorför hett ?

Ik ok nich, aver virtuell is ja all´ns mööglich
un löppt tomehrst indirekt över dree or veer Ecken.

Solang mien Informationsfrieheit mi nich gaeven is,
kann ik di blots raden, de´n olen Postweg to gahn,
de is woll wat suutjer, aver mien E-Mail-Adress is unsaeker !

Doch de Postweg is woll ok nich koscher,
de NSA bzw. de BND ehr Hölpers sünd överut gründlich !