H U S U M |
As in de hele
Welt bekannt,
liggt Husum an de Noordseekant,
dor swemmt de Austern free herum,
doch jonich för dat Publikum.
Un wat för
Ossen kååmt to Stadt,
de sünd förwåhr nich för de
Katt,
so drall un fett un kugelrund,
wi seht se blots un wischt de
Mund.
Dat Husumer
Gymnåsium
deent keck uns as Palådium,
dat wi nich geistig gans versuurn
un mang de Ossen gans verbuurn.
De Håven, de
de´n Fiskus höört,
is för de Stadt vun groten Weert,
de harr al laengstens Weltverkehr,
wenn he en baeten natter weer.
Un denn de
Stadtpark ! Oh wat fien:
So´n schönen hett nichmål
Berlin.
Kost he ok dörtigdusend Mark,
is dat för Husum blots en Quark.
Dat Rååthuus
hett geheme Kraft,
sien Standesamt dor Wunner
schafft:
Geiht een herin as ole Bruut,
kümmt se as junge Fru herut !
Is Husum ok al
oolt un grau,
pulseert sien Bloot doch warm un
gau,
is för en Futschen jonich bang,
un lett de Fliep so licht nich
hang´n.
Singt geern en
lustig Schelmenleed,
deiht jede "Proost" ok
geern Bescheed,
un höllt dat weibliche Geschlecht
in vulle Ehr´n, nå Foog un
Recht.
D´rum Jungens,
wüllt jem Hütten buun,
blievt hier, gåht nich nå
Kåmerun,
sünd unse Döchter ok nich swart,
sünd se doch graesig goot vun
Hart.
Emanuel Gurlitt, 1826 bet 1896 - in Europlatt överdrågen vun Peter Kollund, Rosendåhl 1995
Un wenn jem Tiet hebbt, denn besöök ok mal Husum an´e Noordsee oder virtuell: