Plattdüütsch as Mood
Plattdüütsch
worr tomehrs mißacht,
Platt harr keen Kultur.
Nu, wo´t Mood worr över
Nacht,
löppt de Kutsch retour.
Nu is Platt en
Privileg,
vörnaehm, wenn du so
wullt.
Güstern weer´t noch ring
un leeg,
hüüt is´t foorts en
Kult.
Båven in de
Upper-Class
seggt man: "Nå,
wo geiht ?
Hest du
Teepunsch in´e Taß ?
Weeßt, wo
Daimler steiht ?"
In´e Bårs vun
Keitum, List
brascht man luut op Platt:
"Weeßt
nich, wat en Dööskopp is ?
Kümmst ut
Halberstadt ?"
Wenn en
Quitschen Plattdüütsch lehrt,
lacht man em foorts ut:
"Du seggst
Bickbeerbowl verkehrt,
baeter höllst
dien Snuut."
"Junge",
denk ik öfft bi mi,
wenn ik´t höör un seh,
"harrn ju
blots för´n Grüschen Plie,
daeh´t
wåhrschienlich weh."
Plattdüütsch
is en Alldagssprååk,
höört nich op´t Podest,
ok nich wedder in´e Kloak,
an´s is Platt mål west !
Hein Hoop, 1927 bet 1986 - in Europlatt överdrågen vun Peter Kollund, Rosendåhl 1995