Hamborger
Jung
Hamborger Jung:
gåh in de Welt, lehr Ing´lsch un verdeen di Geld,
söök di de
besten Happen ut un slååg de Annern op de Snuut !
Paß op de´n
K´neel un dreih nich bi: di köönt se all´, versteihst du mi ?
Spael jümmer
lever Herr as Knecht: de Båås is, de hett jümmer Recht.
Hool vull dien
Seils, lååt weih´n dien Flagg: segg de Chinesen "Goden
Dag",
gåh geern mål op
de Tigerjagd, nümm geern mål Mexico in Pacht,
stieg nå de
Pyramiden ´rop, stell de Molucken op de´n Kopp,
kööp bi de
Lappen Tråån un Smaer, verkööp de Inkas Kööm un Beer,
prööf de´n
Passåt un de´n Monsun, scheet Krokodil´n in Kamerun,
smöök geern
mål´n Piep vull Opium, snack geern mål´n Zulukaffer dumm,
box geern mål
mit en Irischman un plant di mål op´n Ätna hen,
mååk geern mål
Orangutans tamm, ried geern mål Guanakos låhm,
söök Diamanten
in Süüdwest un freu di, wenn du welk funn´ hest,
nümm mål en
Geisha op de´n Schoot, hau mål en Schock Moskitos doot,
ståh geern mål
båven op de Råh, besöök in Persien ok de´n Schah,
krüüz um
Kaphoorn un warr nich bang, ok nich vör´n grote Riesenslang,
drink geern mål
söten Xereswien, slååp geern mål ünner Palmen in,
mååk mit de
Türken di bekannt, gåh geern mål in Newjork an Land,
dans mit de
Yankees Ingl´sch Jeck: dat gifft dien Schipp noch lang keen
Leck.
Man, dat hool
fast in Storm un Dååk: dien ole nedderdüütsche Språåk !
Un wenn du Oost
un Süüd un West bekaeken un beråken hest,
denn kumm bi
Dågen wedder t´rügg nå Jungfernstieg un Lombardsbrügg,
nå Reeperbåhn un
Hoppenmark, nå Micheeli- un Kath´rinenkark,
un söök di
hier (dat deihst ok geern ?) en söte Hanseåtendeern !
Un denn, mien
Jung, hool geern mål stopp un drück ehr geern mål Eenen op !
Gorch?
Fock, 1880 bet 1916 - in Europlatt överdrågen vun Peter Kollund, Rosendåhl 1997
Kiek
ok mål bi Helge Påhl in Hamborg vörbi http://www.platt-online.de/index.html
ünner
plattdüütsche Literatur warrst düchtig klook, wokeen Gorch?
Fock weer.
PS. Nu warrt de
Nååm "Gorch? Fock" bi uns tomehrst
jümmer op sien indüütschte, hoogdüütsche Åårt utspråken, sonnerlich wenn´t um dat feine Schoolschipp geiht.
De Nååm driggt dat Seilschipp jå to Ehrn vun de´n Plattmåten Johann Kinau alias Gorch? Fock.
Mi dücht åver,
wenn ik nu op Platt de´n Vörnååm ok so döösig utspraeken doh,
sodenn warrt dat "Artistenplatt" ! Nå de Maneer vun "Computer-Bild" müß dat heten ? spraek: "Tschorsch", oder ?
Hamborger
Jung un Deern
An de Eck
sleiht´n Jung mit´n Trünnelband,
in de anner Hand ´n Botterbroot
mit Kees;
wenn he blots nich mit de Been
in´ Tüdel kümmt,
un dor liggt he ok al lang op de
Naes !
Un he rasselt mit´n Dassel op´n
Kantsteen,
un he bitt sik gans gehörig op de
Tung.
As he opsteiht, seggt he: "Hett
nich weh dåhn !"
"Dat is´n Klacks
för so´n Hamborger Jung."
An de Eck
steiht´n Deern mit´n Eierkorf,
in de anner Hand ´n grote Buddel
Rum;
wenn se blots nich mit de Eier op
dat Plååster sleiht,
un dor seggt dat ok al lang "bum
- bum !"
Un se smitt de Eier un de´n Rum
tosååm´,
un seggt: "So´n
Eiergrog heff ik geern !"
As se opsteiht, seggt se: "Hett
nich weh dåhn !"
"Dat is´n Klacks
för so´n Hamborger Deern."
Jochen Wiegandt,
1998 - in Europlatt överdrågen vun Peter Kollund, Rosendåhl 2001
torügg in
de´n Heumaand